ഓ പ്രവാസി,
ഈ മണ്ണിന് ഊര്‍ജ്ജം പകര്‍ന്നവന്‍ നീ
ഉശിരിന്റെ വീരനാം പടനായകന്‍
ശലഭ കാലത്തെ നിന്‍ സ്വാതന്ത്യ്രമാഘോഷം
മാറ്റിയോ ഈ മണ്ണിന് സൌഹൃദ കുളിര്‍മഴ
നാലുകെട്ടിനുളളില്‍ നീ കെട്ടിപ്പൊക്കിയ-
മാളിക, മരതക കല്ലെന്നുരയ്ക്കിലും
മാറിയിരിക്കുന്നു നിന്‍ മനവും മണ്ണിന്റെ ഗന്ധവും
അലിവാര്‍ന്നഹൃദയവും ദീനാനുകമ്പയും
കൂടെപ്പിറപ്പായ് പിറന്നു വളര്‍ന്ന നീ
ഒരുവേളയെങ്കിലും അനുവദിച്ചില്ലല്ലോ
ഈ മണ്ണില്‍ ദുഃഖവും പ്രതിസന്ധിഘട്ടവും-
കാണാതെ അറിയാതെ സര്‍വ്വം സുഭിക്ഷമായ്
ഊറ്റം മഥിച്ചു വളര്‍ന്ന നിന്‍ മക്കളെ.
ഇന്ന് നീ ഉരുകുന്നു- നാളെയും.
ആര്‍ദ്രതയറിയാത്ത പുത്രന്‍ അകലുന്നു
ഇവനെന്റെ നിണമല്ലെന്നച്ഛന്‍ കഥിക്കുന്നു
നൊന്തുപെറ്റമ്മക്ക് ശവവുമറയ്ക്കുന്നു
അണപൊട്ടി പുത്രിമാര്‍
മതി മറന്നാടുന്നു...
അവിഹിതഭാരം ചുമക്കുന്നു - വെറുതെ മരിക്കുന്നു.
ഓ പ്രവാസി
നീ ഇനിയും ഉപവസിക്കുക
നീ എത്ര നല്ലവന്‍, ഉപകാരമുളളവന്‍
അതെ ശരിയാണ് ..മുതപ്പുവിന്റെ കവിതകള്‍ തീക്ഷ്ണവും ജീവിതഗന്ധിയുമാണ്. അനുവാചക മനസ്സില്‍ അസ്വസ്ഥതകളുടെ കനല്‍ കോരിയിടുന്നു മുത്താപ്പുവിന്റെ വരികള്‍. എല്ലാ മംഗളങ്ങളും നേരുന്നു.
മറുപടിഇല്ലാതാക്കൂHashim K T
very nice step
മറുപടിഇല്ലാതാക്കൂhope more from your pen
best wishes
Safeer