ഇനി ഒരു കുപ്പി ചോരയയക്കാം

ഇനിയൊരു കുപ്പി ചോരയയക്കാം
ഈ മാസത്തെ ചെലവിനായ്
നരകത്തിന്റെ പകര്പ്പില് നിന്നും
തുകയൊപ്പിക്കാനൊക്കില്ല

കത്തും സൂര്യന് കുത്തികൊന്നത്
കൂടെ പണിയും സോദരരെ
കഴിഞ്ഞമാസം പണമൊപ്പിക്കാന്
കൂടിയ കൂട്ടര് ഇന്നെവിടെ?

നിരവധി വര്ഷം പേറിയ ചൂടിന്
പ്രതിഫലമാണോ മോര്ച്ചറിയില്
ആഴ്ചകളായി കിടക്കുന്നല്ലോ
നൂലാമാലകള്  നിയമത്തില്

തോലു കറുത്തും മേനി വിളര്ത്തും
കാണുന്നൂ സഹവാസികളെ
എന്റെ നിജസ്ഥിതി ആര്ക്കറിയാം
ഞാന് പൊട്ടിച്ചല്ലോ കണ്ണാടി

അതിരുകള് കെട്ടിയ മോഹത്തിന് കഥ
ആരും പറഞ്ഞു കേട്ടില്ല
അനുകരണക്കൊതി തീര്ന്നൊരു പെണ്ണും
ലോകത്തിനു വസിപ്പില്ലാ

വെളളക്കോളറിനുളളില്  കഴിയുന്നവരെ
കണ്ടു കൊതിക്കല്ലേ
അകവും പുറവും ശീതളമായവര്
ആഴിയും വാനവും വാങ്ങിക്കും

ചൂടില്ലിവിടെ തീയല്ലിവിടെ
നരകത്തിന് തനി പര്യായം
വറ്റി വരണ്ടൊരു മരുഭൂമിയിതില്
വിയര്ത്തു തളര്ന്നൊരു ആള്ക്കൂട്ടം

ബാധ്യതയാണെന്നറിയാം - നിനക്ക്
മാര്ഗ്ഗം മറ്റൊന്നില്ലെന്നും
സിരകളില് ഇനിയൊരു കുപ്പിചോര
ഞാനിതാ ഉടനെ അയക്കുന്നു.

കെട്ടിപ്പൂട്ടിയ പെട്ടിയൊരിക്കല്
കാണാന് കരളിനുറപ്പുടണ്ടോ ?
LIC തുക മുടങ്ങിടാതെ
അടച്ചെങ്കില് നിനക്കാശ്വാസം.