ഓ യജമാനത്തി..........
പിറ കൊണ്ട് മണ്ണില് നമ്മളിരുവരും
അമ്മ ത്തന്നുദരത്തില് നിന്നും
അമ്മിഞ്ഞപ്പാലിന് മാത്രം കരഞ്ഞെന്നെ
കൊല്ലാന് കഴിഞ്ഞില്ലയല്ലേ
കര പറ്റുമീ മകളാലെ മമ മനം
മന്ത്രിച്ചു കാണു മന്നല്ലേ ?
പെണ്ണെന്നു തെളിയിച്ച നേരത്ത് കാവലായി
ഇണയെ പിടിചെനിക്കെകി
ഇരയായി മാറി ഞാന് ഒരു മഹായന്ത്രത്തിന്
ഉത്പന്നമായിമിച്ചം ഈ കിടാങ്ങള്
വവ്വാല് ചപ്പിയ കശുമാങ്ങ ചണ്ടിപോല്
നീരൊഴിഞ്ഞൊരു നര രൂപ മയി ഞാന്
വറ്റി വരരന്ടെന്റെ മുല ഈമ്പി കുട്ടികള്
കണ്ണോടു കണ് പരത് കരയും
കണ്ണീരില് മുക്കി കൊടുതെന്റെ മക്കളെ
ദൂരെ അനാഥ ശാലക്കായ്
രണ്ടും കല്പിച്ചു കയറി വിമാനം ഞാന്
അവരുടെ പള്ളയു മോര്ത്
അറിയുന്ന മലയാളം പറയാന് കഴിയുന്ന
ഒരുവന്റെ അടിമയായി മാറി
നാലു വയറിന് വിളിക്കുത്തരം നല്കാന്
നന്മയും തിന്മയും പേറി
എന്നും കുരച്ചുചാടുന്നേന് യജമാനത്തി
അരിശം തീര്ക്കുന്നേന് മുഖത്
ഓരോരോ അടികൊണ്ടു പുളയുമ്പോഴും
എന്റെ ഹൃദയ മെന്തോ പറയുന്നു
പല്ലുകള് തീര്ത്തൊരു ജയിലിലെന് നാവിനെ
ബന്ധനം ചെയ്തിരുന്നാലും
പാതിര പ്രാര്ത്ഥന ചെയ്യും യജമാനത്തി
പകലിന്റെ പാപം കുറക്കാന്
പതറി യെന് കരളില് പതയ്കും തിരമാല
വാനോളം പൊങ്ങി തിളയ്ക്കും
ചോദ്യങ്ങള് ആയിരം പൊങ്ങിവരും
പുലരാതെ വായില് കുരുങ്ങും
പാത്രങ്ങള് കഴുകിയ വെള്ളത്തിന് കരമവള്
തീയതി തെറ്റാതടയ്ക്കും
ഞാന് തോര്ത്ത കണ്ണീരിന് അളവെത്ര ?
കരമെത്ര ?എവിടെ നീ അതുകൊണ്ടാടയ്ക്കും ?
ഓ,,,യജമാനത്തി ...ഇന്ന് നീ രാക്ഷസി ...
രക്തരക്ഷസായ് മാറിയതെങ്ങിനെ?
കുല മറ്റു പോകുന്ന സിംഹ വാലര് നിന്റെ
കൂടിനു ചേര്ന്നിരുന്നപ്പോള്
മുളപൊട്ടിയോ മുമ്പ് പാടെ ക്ഷയിച്ച നിന്
തറവാട്ടിന് മ്ലേച്ചതരങ്ങള്
കരതലമലകമായ് ലോകം നിനയ്ക്കിന്നു അരുതാത്തത് ഒന്നുമില്ലല്ലോ
ഇനി എന്ത് വേണം നിനയ്ക്ക്
ഇനി ആരെ വേണം നിനയ്ക്ക് .....
നിനയ്ക്കുന്ന മാത്രയില് നേടുന്നു നീ എന്തും
നീയുമൊരു സ്ത്രീ ആയിരുന്നു
നില തെറ്റി നീ നീന്തും ലോകതിനി എത്ര
നില നില്പ് ബാക്കിയിരിക്കുന്നു
ഓ ..യജമാനത്തി ....നന്ദി ....
നീ തന്ന ചോറിനും നന്ദി ...
നീ തന്ന കാശിനും നന്ദി ...
നീ തന്ന വാക്കിനും നീ തന്ന തല്ലിനും
ചോരയും കണ്ണീരും ചാലിച്ച ചാന്ദിനാല്
ചാര്തതട്ടെഒരു പൊട്ടു ശാന്തി യായി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ